7. O lea ‘ua lē toe fai oe ma pologa, a o le atali‘i; ‘ae ‘āfai o le atali‘i, o le suli fo‘i ‘ona o le Atua.
8. E moni, o ia ona pō ‘ua lē iloa ai e ‘outou le Atua na fai ai ‘outou ma pologa i mea e lē ni atua;
9. a o nei ona pō ‘ina ‘ua ‘outou iloa le Atua, pe sili pe a fa‘apea ‘ina ‘ua iloa lava ‘outou e le Atua, pe fa‘apefea ‘ona ‘outou toe liliu i matā‘upu muamua e vaivai ma fa‘atauva‘a, ‘ua ‘outou toe manana‘o ‘ea ia ‘outou toe nofo pologa i ai?
10. Tou te ‘ana‘ana i aso, ma masina, ma tau, ma tausaga.