42. ma Salapina, ma Ailona, ma Itala,
43. ma Aluna, ma Timenata, ma Ekerona,
44. ma Eliteka, ma Kipetonu, ma Paalata,
45. ma Ieuta, ma Peneperaka, ma Katarimoni,
46. ma Meierekuna, ma Rakuna, ma le tuā‘oi e feagai ma Iopa.
47. ‘Ua lauitiiti le lau‘ele‘ele o le fānauga a Tanu ‘ua maua e i latou; ‘ona ō a‘e lea o le fānauga a Tanu, ‘ua latou tau ai le tau‘a ma Lesema, ‘ua ā‘ea, ma fasia i le pelu; ‘ua faia mo i latou, ma latou nonofo ai; ‘ona fa‘aigoa ai lea o Lesema o Tanu, e pei o le igoa o Tanu lo latou tamā.
48. O le tofi lea o le itū‘āiga o le fānauga a Tanu, e tusa ma o latou ‘āiga; o ‘a‘ai ia, ma o latou faoa ‘a‘ai.
49. ‘Ua uma ‘ona tofia mo i latou le nu‘u, e tusa ma o latou tuā‘oi, ‘ona foa‘iina atu ai lea e le fānauga a Isaraelu o le tofi ‘iā Iosua le atali‘i o Nuno e fa‘atasi ma i latou;
50. e pei o le afioga a le ALI‘I, ‘ua latou foa‘i atu ‘iā te ia le ‘a‘ai na ia fai atu ai, o Timenata-sera lea o i le mauga o Efaraima; ‘ona faia ai lea e ia o le ‘a‘ai, ma nofo ai.