19. E tali mai le ALI‘I, ma fa‘apea mai i lona nu‘u:Fa‘auta mai, ‘ou te foa‘iina atu ‘iā te ‘outou le saito,ma uaina ma suāu‘u tou te mā‘o‘ona ai;‘ou te lē toe tu‘uina atu ‘iā te ‘outou ‘ia fa‘alumaina e nu‘u ‘ese.
20. ‘Ou te fa‘ate‘a mamao ‘iā te ‘outou o ‘au mai le itū i matū,‘ou te tulia i latou i le nu‘u naumati ma le gaogao,e fa‘asaga o latou mata i le sami i sasa‘e;e fo‘i o latou tua i le sami tupito,e alu a‘e fo‘i lo latou elo, e alu a‘e fo‘i ma lona sauga,auā o mea tetele ‘ua ia faia.
21. Le fanua e, ‘aua ‘e te fefe;‘ia e fiafia ma ‘oli‘oli,auā e faia e le ALI‘I mea tetele.
22. O manu vaefā o le vao e, ‘aua tou te fefefe,auā ‘ua tupu le mutia i mea e tata‘a ai manu o le vao,auā ‘ua fua mai le la‘au i lona fua,o le mati ‘atoa ma le vine ‘ua matuā fua mai lava.