4. ‘Ona fai ane lea o le tasi o ona so‘o, o Iuta le atali‘i o Simona le Sekara, o lē fa‘alata ‘iā te ia,
5. “Pe se a le mea na lē fa‘atau ai lenā u‘u manogi i tenari e tolu selau, ma avatu ai i ē matitiva?”
6. ‘Ua lē fa‘apea ane o ia, ‘ina ‘ua alofa o ia i ē matitiva, a ‘ona o ia o le gaoi, ‘ua ‘iā te ia fo‘i le ‘ato tupe, ma na tau‘ave mea na fafao ai.
7. ‘Ona fa‘apea mai ai lea o Iesu, “Tu‘u pea ia ‘iā te ia; ‘ua teu e ia lenei mea mo le aso o le fa‘ata‘imū‘aga o lo‘u tanuga.