20. ‘Ua fa‘amāina Moapi;auā ‘ua lafoia o ia;‘inā uiō ia ‘outou ma ‘alalaga;‘Inā ta‘uina atu i Arinona,‘ua fa‘atafunaina Moapi.
21. ‘Ua o‘o fo‘i le sala i le ‘ele‘ele laugatasi; o Holona ma Iaesa ma Mefata,
22. ma Tipona ma Nepo ma Petetipelata,
23. ma Kiriataima ma Petekamulo ma Petemeona,
24. ma Kiriota ma Posara ma ‘a‘ai uma i le nu‘u o Moapi, ē ‘ua mamao ma ē ‘ua lata mai.
25. ‘Ua vavae‘eseina le nifo o Moapi ma lona lima ‘ua gausia, o lo‘o fetalai mai ai le ALI‘I.
26. ‘Ia ‘outou fa‘ainu ‘iā te ia ‘ia ‘onā; auā ‘ua ia fa‘amaualuga i le ALI‘I; e ta‘afili Moapi i lona pua‘iga, e fai lava o ia ma tauemuga.
27. E le‘i faia ‘ea Isaraelu ma tauemuga ‘iā te oe? na maua ‘ea o ia fa‘atasi ma tagata gaoi? auā e ‘iloga ‘ona e tautala ‘iā te ia, ‘ua e lialia‘i lou ulu.