14. Auā e fa‘apologaina i latou, o i latou lava, ō atu nu‘u e tele ma tupu sili, ‘ou te taui atu fo‘i ‘iā te i latou e tusa ma la latou amioga, e tusa fo‘i ma mea ‘ua faia e o latou lima.
15. Auā ‘ua fa‘apea ‘ona fetalai mai o le ALI‘I le Atua o Isaraelu ‘iā te a‘u: ‘Ia e ‘ave le ipu uaina o lo‘u nei ita a‘i lo‘u lima ma fa‘ainu a‘i atu nu‘u uma ‘ou te ‘auina atu ai oe ‘iā te i latou.
16. Latou te feinu ma tautevateva ma fa‘avalea, ‘ona o le pelu ‘ou te ‘auina atu ai ‘iā te i latou.