13. ‘Ua tigāina ‘ea so ‘outou? ‘Inā tatalo ia. ‘Ua fiafia ‘ea se tasi? ‘Inā pese ia.
14. ‘Ua ma‘i ‘ea so ‘outou ‘inā ‘a‘ami atu ia i toeaina o le ekalesia, ‘ia latou tatalo mo ia, pe a uma ‘ona fa‘au‘u ‘iā te ia i le suāu‘u i le suafa o le Ali‘i.
15. O le tatalo fo‘i e faia i le fa‘atuatua e fa‘aolaina ai le ma‘i, e fa‘atūina fo‘i o ia e le Ali‘i; ‘āfai fo‘i ‘ua agasala, e fa‘amāgaloina ia.
16. ‘Ia feta‘uta‘ua‘i a ‘outou agasala, ma tatalo le tasi mo le tasi, ‘ina ‘ia fa‘amālōlōina ‘outou. ‘Ua aogā tele le tatalo fa‘atauānau a le tagata amiotonu.
17. O Elia o le tagata ia e tusa ma i tatou. ‘Ua matuā tatalo o ia ‘ina ‘ia lē timu, ‘ona lē timu ai lea o le fanua i tausaga e tolu ma masina e ono.