15. ‘Ona ‘ou vi‘ia ai lea o le ‘oli‘oli; auā ‘ua leai se mea lelei i le tagata i lalo o le lā, na ‘ona ia ‘ai ma inu ma ‘oli‘oli; auā e tumau lea ‘iā te ia mai lana galuega, i aso o lona ola, ‘ua foa‘iina mai e le Atua ‘iā te ia i lalo o le lā.
16. ‘Ua fa‘asaga lo‘u loto ‘ia iloa le poto, ‘ia iloa fo‘i le galuega ‘ua faia i le lalolagi; auā fo‘i o lo‘o i ai lē ‘ua lē iloa sina moe i ona mata i le ao ‘atoa ma le po;
17. ‘ona ‘ou iloa ai lea o galuega uma a le Atua, e lē mafaia e le tagata ‘ona iloa o le galuega ‘ua faia i lalo o le lā; auā e ui lava ‘ina tigā se tagata i sā‘ili, ‘ae lē iloa e ia; i le ma lea, a fa‘apea ifo se tagata poto, o le a na iloa, e lē mafai ‘ona iloa e ia.#