18. ‘Ua iloa e le nu‘u uma lava le faititili, ma le uila, ma le ta‘alili o le pū, ma le mauga ‘ua pusa, ‘ona fefefe lea o le nu‘u ‘ua gatete lava i latou ma tutū mamao atu.
19. ‘Ua latou fa‘apea mai fo‘i ‘iā Mose, “‘Ia e tautala mai oe ‘ia te i matou, matou te fa‘alogo i ai; ‘ae ‘aua le fetalai mai le Atua ‘iā te i matou, ne‘i matou oti.”
20. ‘Ua tali atu Mose i le nu‘u, “‘Aua tou te fefefe; auā ‘ua afio mai le Atua ‘ina ‘ia tofotofo ‘iā te ‘outou, ‘ina ‘ia mata‘utia fo‘i o ia e ‘outou, ‘ina ne‘i ‘outou agasala.”