8. O a‘u mea pa‘ia ‘ua e ‘ino‘ino i ai ma o‘u sapati ‘ua e solia.
9. O ‘iā te oe tagata e fe‘ave‘avea‘i ia fa‘amaligi ai le toto; o ‘iā te oe fo‘i o ē ‘a‘ai i luga o mauga; o ‘iā te oe o ē fai mea leaga lava.
10. O ‘iā te oe fo‘i ē fa‘atelenoa i o latou tamā; o ‘iā te oe ē fa‘aleaga le fafine o fa‘anofo‘eseina ‘ona o lona leaga.
11. ‘Ua fai fo‘i e le tasi mea e ‘inosia i le avā a le tasi tagata; ma ‘ua fa‘aleaga e le tasi i le ulavale le avā a lona lava atali‘i; ‘ua ‘iā te oe fo‘i le ‘ua ia fa‘aleagaina lona lava tuafafine, o le afafine o lona tamā.
12. O ‘iā te oe e ‘ua talia mea alofa e fa‘amaligi ai le toto; ‘ua e talia fo‘i le totogi fa‘asili ma mea fa‘asili; ma ‘ua e fao fa‘asauā mea a le tasi tagata, a ‘ua e fa‘agalogalo mai ‘iā te a‘u, o lo‘o fetalai mai ai le Ali‘i le ATUA.