1. ‘Ua uma nei mea, ‘ona ō mai lea ‘iā te a‘u o ali‘i, ‘ua fa‘apea mai, “O le nu‘u o Isaraelu ma le ‘au ositaulaga ma sa Levī, ‘ua latou lē vavaeina i latou a‘i tagata o nu‘u ‘ese, a o lo‘o fai e tusa ma a latou mea e ‘inosia, o sa Kananā, o sa Hetī, o sa Perisē, o sa Iepusē, o sa Amonī, o sa Moapī, o tagata Aikupito ma sa Amorī.
2. Auā ‘ua latou fai avā i o latou afafine, o i latou ‘atoa ma o latou atali‘i ma ‘ua fefiloi le fānau pa‘ia ma tagata o ia nu‘u, ma ‘ua solomua i ali‘i ma faipule i lenei agasala.”