1. E! ‘ua fa‘apouliuligia e le Ali‘i i lona to‘asā o le tama fafine a Siona;a ‘ia lafo i lalo le matagofie o Isaraelu mai le lagi i le lalolagi;‘ua lē manatua fo‘i e ia le mea e tu ai ona ‘a‘ao i le aso o lona to‘asā.
2. ‘Ua fa‘aumatia e le Ali‘i, ‘ae le‘i fa‘apelepeleina e ia o fale uma o Iakopo;‘ua lepetia e ia i lona to‘asā o ‘olo o le tama fafine a Iuta ‘ua ia fa‘agatasia ma le ‘ele‘ele,‘ua fa‘aleagaina e ia o le mālō ‘atoa ma ona ali‘i.
3. ‘Ua vavae‘eseina e ia i lona to‘asā tele o nifo uma o Isaraelu;‘ua fa‘afo‘i atu o ia lona ‘a‘ao taumatau i luma o ē ita mai;‘ua mū fo‘i o ia e pei o se afi mumū ‘iā Iakopo, ‘ua susunu ai i itū uma.