12. O toe o mea na faia e Ioasa, ‘atoa ma mea uma na faia e ia ma lona fitafita na ia tau ai ma Amasia le tupu o Iuta, e le‘i tusia ‘ea i le tusi o tala i nofoa‘iga a tupu o Isaraelu?
13. ‘Ua ta‘oto fo‘i Ioasa fa‘atasi ma ona tamā, ‘ona nofo ai lea o Ierepoamo i lona nofoāli‘i. ‘Ua tanumia fo‘i Ioasa i Samaria fa‘atasi ma tupu o Isaraelu.
14. ‘Ua maua Elisaia e le ma‘i na oti ai o ia. ‘Ona alu ifo ai lea o Ioasa le tupu o Isaraelu ‘iā te ia ma tagi i luga o ona mata, ‘ua fa‘apea mai, “Lo‘u tamā e, lo‘u tamā e, le kariota o Isaraelu ma ana ‘au e ti‘eti‘e i solofanua.”
15. ‘Ona fai atu ai lea o Elisaia ‘iā te ia, “Tago ia i le ‘aufana ma ū.” ‘Ona tago ai lea o ia i le ‘aufana ma ū.