15. ‘Ona vala‘au atu lea o Tavita i le tasi taule‘ale‘a, ‘ua fai atu i ai, “‘Inā alu atu ia, ma e fasioti ‘iā te ia.” ‘Ona fasi ai lea e ia ‘iā te ia, ‘ua oti ai.
16. ‘Ua fai atu fo‘i Tavita ‘iā te ia, “‘Ia i ai i luga o lou ulu lou lava toto, auā na e molimau mai lou lava gutu ‘iā te oe, o lo‘o fa‘apea, ‘Na ‘ou fasioti i lē na fa‘au‘uina e le ALI‘I.’”
17. ‘Ua lagi e Tavita lenei fatu e aualofa ai ‘iā Saulo ma Ionatana lona atali‘i.
18. ‘Ua fai atu fo‘i o ia, ‘ia a‘oa‘oina le fānauga a Iuta i le ‘aufana; fa‘auta, ‘ua tusia i le tusi a Iasera:
19. O le mamalu o Isaraelu ‘ua fasia i au mea maualuluga;Auē ‘ua maliliu toa.
20. ‘Aua ne‘i ta‘ua i Kata,‘aua ne‘i tala‘i atu i malae o Asekelona;ne‘i ‘oli‘oli ai afafine o Filisitia,ne‘i mitamita ai afafine o ē lē peritomeina.