10. A ‘ua tonu ‘iā Nikanora na te tu‘u atu lava i le tupu o taleni e lua afe, e maua mai i le fa‘atau fa‘apologa o tagata Iutaia, e totogi a‘i lana lafoga i tagata Roma.
11. ‘Ua ‘auina atu loa ana savali i ‘a‘ai tumatafaga, o vala‘au mai ‘iā i latou i le fa‘atau o pologa Iutaia, o folafola atu latou te maua o pologa e to‘aivagafulu i le taleni e tasi; a ‘ua lē mātau e ia o le a taia lava ia e lē e ona le mana uma, na te taui ma sui ‘iā te ia.
12. A ‘ua iloa e Iuta le sau o Nikanora, ‘ona fa‘ailoa atu lea i tagata Iutaia sa fa‘atasi ma ia.
13. O ni isi o i latou ‘ua fefefe ma ‘ua lē fa‘alagolago i le fa‘amasinoga tonu a le Atua, ‘ona sōsōla lea i latou.