13. ‘Ou te nofo fo‘i fa‘atasi ma le fānauga a Isaraelu, ‘ou te lē tu‘ulafoa‘i fo‘i lo‘u nu‘u o Isaraelu.”
14. ‘Ua faia e Solomona le fale ma ia fa‘aumaina.
15. ‘Ua faia e ia o pā o le fale i totonu i laupapa arasi, e āfua a‘e i lalo o le pā o le fale e o‘o i ona luga; ‘ua tapapa e ia i totonu i la‘au, ‘ua tapapa fo‘i e ia le lotofale i laupapa perosi.
16. ‘Ua faia fo‘i e ia kupita e lua sefulu i itū o le fale i laupapa arasi, e āfua a‘e i lalo o le pā e o‘o i ona luga; ‘ua faia fo‘i e ia i totonu e fai ma mea e fetalai mai ai, o le mea e sili ‘ona pa‘ia.
17. O le fale fo‘i, o le malumalu i luma lea, e fagafulu ona kupita.