1. ‘Ua ‘a‘auina atu e Hiramo le tupu o Turo o ana ‘au‘auna ‘iā Solomona; auā na ia fa‘alogo ‘ua latou fa‘au‘uina o ia e fai ma tupu e sui a‘i lona tamā; auā sa alofa Hiramo ‘iā Tavita i ona aso uma.
2. ‘Ua alu fo‘i le fe‘au a Solomona ‘iā Hiramo, ‘ua fa‘apea atu,
3. “‘Ua e silafia na lē mafaia e lo‘u tamā o Tavita ‘ona fai o se fale i le suafa o le ALI‘I lona Atua, ‘ona o tau‘a na si‘osi‘oina ai o ia, ‘ina se‘ia tu‘uina ifo i latou e le ALI‘I i lalo i ona alofivae.
4. A o lenei, ‘ua foa‘iina mai ‘iā te a‘u e le ALI‘I lo‘u Atua le filemū i itū uma, ‘ua leai sē ‘ua ita mai, po o se leaga ‘ua tupu.