18. ‘Inā tula‘i ia, ‘inā e alu ifo e fa‘afetaia‘i ‘iā Aapo le tupu o Isaraelu, o lo‘o i Samaria; fa‘auta o lo‘o i ai ia i le tōvine o Napota, ‘ua alu ifo i ai e fai mōna.
19. ‘ia e fai atu ‘iā te ia, ‘ia fa‘apea atu, “O lo‘o fa‘apea ‘ona fetalai mai o le ALI‘I: ‘Ua fasiotia ‘ea, ‘ua fai fo‘i mou?” ‘Ia e fai atu fo‘i ‘iā te ia, ‘ia fa‘apea atu, “O lo‘o fa‘apea ‘ona fetalai mai o le ALI‘I: O le mea na etoeto ai ulī i le toto o Napota, e etoeto ai fo‘i ulī i lou lava toto, o oe lava.”
20. ‘Ua fai mai Aapo ‘iā Elia, “O oe na le fai a‘u mou fili, ‘ua e maua ‘ea a‘u?”‘Ona fai atu lea o ia, “‘Ua ‘ou maua; auā ‘ua e fa‘atau oe ‘iā te oe e fai mea i leaga luma o le ALI‘I.
21. Fa‘auta, o lo‘o fetalai mai le ALI‘I ‘Ou te fa‘ao‘o atu le leaga ‘iā te oe ma ‘ou ‘ave‘esea lou gafa ma fa‘aumatia ai ‘iā Aapo o ē tula‘i atu i se ‘aupā, o pologa ‘atoa ma ē sa‘oloto i Isaraelu.