25. ‘Ua latou ō ifo i le ‘a‘ai ai le mea maualuga; ‘ona la tautala lea o ia ma Saulo i luga o le fale.
26. ‘Ua latou ala i le vave ao, ‘ona o‘o lea i le malama a‘e o le taeao, ‘ua vala‘au Samuelu ‘iā Saulo e alu i luga o le fale, ‘ua fa‘apea mai, “Tula‘i ia, ‘ou te tu‘u atu ‘iā te oe e alu.” ‘Ua tula‘i Saulo, ‘ona la ō lea i fafo, o ia ma Samuelu.
27. ‘Ua la ō ifo le pito ‘a‘ai, ‘ona fai mai lea o Samuelu ‘iā Saulo, “Fai atu i le ‘au‘auna ‘ia muamua atu ia i o tā luma, (‘ona alu ai lea o ia). A o oe, se‘i e tu mai nei, se‘ia ‘ou logologo atu ‘iā te oe le afioga a le Atua.”