1. O le tasi tagata Peniamina, o lona igoa o Kiso le atali‘i o Avielu, o le atali‘i o Seroro, o le atali‘i ia o Pekuro, o le atali‘i ia o Afia, o le atali‘i o le tasi tagata o Iemina; o le tagata mau‘oa tele.
2. Sa ‘iā te ia le atali‘i e igoa ‘iā Saulo, o le taule‘ale‘a ‘aulelei, e leai se tagata o le fānauga a Isaraelu e sili ‘ona ‘aulelei ‘iā te ia e gata ifo i ona tau‘au le maualuga o le nu‘u uma.
3. ‘Ua lē iloa asini a Kiso le tamā o Saulo; ‘ona fai mai lea o Kiso i lona atali‘i o Saulo, “‘Inā ō ia ‘oulua ma se tasi taule‘ale‘a, tula‘i ia, ma alu e sā‘ili asini.”