18. E ‘alalaga ‘outou i lea aso ‘ona o lo ‘outou tupu na ‘outou filifilia mo ‘outou, ‘ae lē fa‘afofoga mai le ALI‘I ‘iā te ‘outou i lea aso.”
19. ‘Ae lē mafafai le nu‘u ‘ona fa‘alogo i le ‘upu a Samuelu, ‘ua latou fai mai, “E leai lava, ‘ae fai lava so matou tupu;
20. ‘ia pei o nu‘u uma i matou, ‘ia fa‘amasino mai lo matou tupu ‘iā te i matou; ‘ia alu atu fo‘i o ia i o matou luma, ma ‘ia tau i o matou tau‘a.”
21. ‘Ua fa‘alogo Samuelu i ‘upu uma a le nu‘u, ‘ona ta‘u atu ai lea e ia i fofoga o le ALI‘I.