26. Na fai Tavita le atali‘i o Iese ma tupu ‘iā Isaraelu uma.
27. O ona tausaga na fai ai o ia ma tupu o Isaraelu e fagafulu ia; o tausaga e fitu na fai ai o ia ma tupu i Heperona ma tausaga e tolugafulu ma le tolu na fai ai o ia ma tupu i Ierusalema.
28. ‘Ua oti o ia, ‘ua matuā toeaina, ‘ua tele ona tausaga ma ana ‘oloa ma lona mamalu; ‘ua soloa‘i ane fo‘i Solomona lona atali‘i e fai ma tupu.
29. O mea na faia e le tupu o Tavita, o mea na muamua ma mea na mulimuli, fa‘auta, ‘ua tusia i le tala a Samuelu le tagata va‘ai ma le tala a Natano le perofeta ma le tala a Kato le tagata va‘ai,
30. ‘atoa ma le tala i lana nofoa‘iga uma ma lona malosi ma mea na o‘o ‘iā te ia ma Isaraelu, ‘atoa ma mālō uma o nu‘u.