26. O la‘u tāofi fo‘i, e lelei lenā mea ‘ona o le faigatā i ona po nei, e lelei fo‘i i le tagata pe a fa‘apea.
27. ‘Ua noatia ‘ea oe i le avā? ‘Aua ‘e te sā‘ili ‘ina ‘ia tatalaina; ‘ua tatalaina ‘ea oe i le avā? ‘Aua ‘e te sā‘ili i se avā.
28. ‘Ae ui lava ‘ina e fa‘aipoipo ‘e te lē agasala ai; ‘āfai fo‘i e fa‘aipoipo le teine e lē agasala ai o ia; ‘ae o‘o i ē ‘ua fa‘apea le puapuagā i le tino. ‘Ae ‘ou te fia fa‘asaoina ‘outou mai ia mea.
29. A o la‘u lenei e fai atu ai, le ‘au uso e, ‘ua itiiti ona aso ‘ua totoe; o lenei, o ē ‘ua fai avā, ‘ia peiseaī ‘ua lē fai avā.
30. O ē taufaitagi, ‘ia peiseaī ‘ua lē taufaitagi; o ē taufai‘oli‘oli, ‘ia peiseaī ‘ua lē taufai‘oli‘oli; o ē fa‘atau, ‘ia peiseaī ‘ua lē maua ni mea.