7. ‘Ona toe iloa lea o ia e Iakopo, ‘ona iloa lea e le ‘au ‘aposetolo uma.
8. E mulimuli lava ‘ona iloa o ia e a‘u nei, e peiseaī se tama fānau lē au.
9. Auā o a‘u o le aupito itiiti o le ‘au ‘aposetolo; e lē aogā ‘ona ta‘ua o a‘u o le ‘aposetolo, auā na ‘ou sauā atu i le ekalesia a le Atua.
10. A o le alofa tunoa o le Atua ‘ua ‘ou fa‘apenei ai a‘u; o lona alofa tunoa fo‘i o ‘iā te a‘u, e lē fa‘alēaogāina lea, a ‘ua sili la‘u galuega ‘iā latou uma; a o le alofa tunoa o le Atua ‘ua ‘iā te a‘u.
11. O lenei, po o a‘u, po o i latou, e fa‘apea ‘ona matou tala‘iina atu, sa fa‘apea fo‘i ‘ona ‘outou fa‘atuatua.
12. ‘Āfai fo‘i ‘ua tala‘iina Keriso ‘ua ia toetū mai nai ē ‘ua oti, pe fa‘apefea ‘ona fai mai o isi o ‘outou, e leai se toetū mai o ē ‘ua oti?