5. и сущих нас мертвых прегрешеньми, сооживи Христом: благодатию есте спасени:
6. и с ним воскреси, и спосади на небесных во Христе Иисусе,
7. да явит в вецех грядущих презелное богатство благодати своея благостынею на нас о Христе Иисусе.
8. Благодатию бо есте спасени чрез веру: и сие не от вас, Божии дар:
9. не от дел, да никтоже похвалится.
10. Того бо есмы творение, создани во Христе Иисусе на дела благая, яже прежде уготова Бог, да в них ходим.
11. Темже поминайте, яко вы, иже иногда языцы во плоти, глаголемии необрезание от рекомаго обрезания во плоти, рукотвореннаго,
12. яко бесте во время оно без Христа, отчуждени жития израилева и чужди от завет обетования, упования не имуще и безбожни в мире: