1. Видите, какову любовь дал есть Отец нам, да чада Божия наречемся, и будем. Сего ради мир не знает нас, зане не позна его.
2. Возлюбленнии, ныне чада Божия есмы, и не у явися, что будем: вемы же, яко, егда явится, подобни ему будем, ибо узрим его, якоже есть.
3. И всяк имеяй надежду сию нань, очищает себе, якоже он чист есть.
4. Всяк творяй грех, и беззаконие творит: и грех есть беззаконие.
5. И весте, яко он явися, да грехи нашя возмет, и греха в нем несть.
6. Всяк, иже в нем пребывает, не согрешает: всяк согрешаяй не виде его, ни позна его.