5. И сие есть обетование, еже слышахом от него и поведаем вам, яко Бог свет есть, и тмы в нем несть ни единыя.
6. Аще речем, яко общение имамы с ним, и во тме ходим, лжем и не творим истины:
7. аще же во свете ходим, якоже сам той есть во свете, общение имамы друг ко другу, и кровь Иисуса Христа Сына его очищает нас от всякаго греха.
8. Аще речем, яко греха не имамы, себе прельщаем, и истины несть в нас.