22. Слышав же юноша слово, отиде скорбя: бе бо имея стяжания многа.
23. Иисус же рече учеником своим: аминь глаголю вам, яко неудобь богатый внидет в Царствие небесное:
24. паки же глаголю вам: удобее есть велбуду сквозе иглине ушы проити, неже богату в Царствие Божие внити.
25. Слышавше же ученицы его, дивляхуся зело, глаголюще: кто убо может спасен быти?
26. Воззрев же Иисус рече им: у человек сие невозможно есть, у Бога же вся возможна.
27. Тогда отвещав петр рече ему: се, мы оставихом вся и вслед тебе идохом: что убо будет нам?
28. Иисус же рече им: аминь глаголю вам, яко вы шедшии по мне, в пакибытие, егда сядет Сын Человеческий на престоле славы своея, сядете и вы на двоюнадесяте престолу, судяще обеманадесяте коленома израилевома: