15. И приидоша (паки) во Иерусалим. И вшед Иисус в церковь, начат изгонити продающыя и купующыя в церкви: и трапезы торжником и седалища продающих голуби испроверже:
16. и не даяше, да кто мимонесет сосуд сквозе церковь.
17. И учаше, глаголя им: несть ли писано, яко храм мой храм молитвы наречется всем языком? вы же сотвористе его вертеп разбойником.
18. И слышаша книжницы и архиерее, и искаху, како его погубят: бояхубося его, яко весь народ дивляшеся о учении его.
19. И яко позде бысть, исхождаше вон из града.
20. И утро мимоходяще, видеша смоковницу изсохшу из корения.
21. И воспомянув петр глагола ему: равви, виждь, смоковница, юже проклял еси, усше.
22. И отвещав Иисус глагола им:
23. имейте веру Божию: аминь бо глаголю вам, яко, иже аще речет горе сей: двигнися и верзися в море: и не размыслит в сердцы своем, но веру имет, яко еже глаголет, бывает: будет ему, еже аще речет: