7. Назираху же книжницы и фарисее, аще в субботу изцелит, да обрящут речь нань.
8. Он же ведяше помышления их и рече человеку имущему суху руку: востани и стани посреде. Он же востав ста.
9. Рече же Иисус к ним: вопрошу вы: что достоит в субботы, добро творити, или зло творити? душу спасти, или погубити? Они же умолчаша.
10. И воззрев на всех их, рече ему: простри руку твою. Он же сотвори тако: и утвердися рука его здрава яко другая.