10. писано бо есть, яко ангелом своим заповесть о тебе сохранити тя:
11. и на руках возмут тя, да не когда преткнеши о камень ногу твою.
12. И отвещав рече ему Иисус, яко речено есть: не искусиши Господа Бога твоего.
13. И скончав все искушение диавол, отиде от него до времене.
14. И возвратися Иисус в силе духовней в галилею: и весть изыде по всей стране о нем.
15. И той учаше на сонмищих их, славимь всеми.
16. И прииде в назарет, идеже бе воспитан. и вниде, по обычаю своему, в день субботный в сонмище, и воста чести.