28. И сия рек, идяше преди, восходя во Иерусалим.
29. И бысть яко приближися в вифсфагию и вифанию, к горе нарицаемей елеон, посла два ученик своих,
30. глаголя: идита в прямную весь: (и) в нюже входяща обрящета жребя привязано, на неже никтоже николиже от человек вседе: отрешша е приведита:
31. и аще кто вы вопрошает: почто отрешаета? сице рцыта ему, яко Господь его требует.
32. Шедша же посланная обретоста, якоже рече има.
33. Отрешающема же има жребя, рекоша господие его к нима: что отрешаета жребя?
34. Она же рекоста, яко Господь его требует.