4. Подобаше же ему проити сквозе самарию.
5. Прииде убо во град самарийский, глаголемый сихарь, близ веси, юже даде иаков иосифу сыну своему:
6. бе же ту источник иаковль. Иисус же утруждся от пути, седяше тако на источнице: бе (же) яко час шестый.
7. Прииде жена от самарии почерпати воду. глагола ей Иисус: даждь ми пити.
8. ученицы бо его отшли бяху во град, да брашно купят.
9. Глагола ему жена самаряныня: како ты жидовин сый от мене пити просиши, жены самаряныни сущей? не прикасаютбося жидове самаряном.