13. и еже аще что просите (от Отца) во имя мое, то сотворю, да прославится Отец в Сыне:
14. (и) аще чесо просите во имя мое, аз сотворю.
15. Аще любите мя, заповеди моя соблюдите,
16. и аз умолю Отца, и иного утешителя даст вам, да будет с вами в век,
17. Дух истины, егоже мир не может прияти, яко не видит его, ниже знает его: вы же знаете его, яко в вас пребывает и в вас будет.
18. Не оставлю вас сиры: прииду к вам:
19. еще мало, и мир ктому не увидит мене: вы же увидите мя, яко аз живу, и вы живи будете:
20. в той день уразумеете вы, яко аз во Отце моем, и вы во мне, и аз в вас.