27. приведше же их, поставиша на сонмищи, и вопроси их архиерей, глаголя:
28. не запрещением ли запретихом вам не учити о имени сем? и се, исполнисте Иерусалим учением вашим и хощете навести на ны кровь Человека сего.
29. Отвещав же петр и апостоли реша: повиноватися подобает Богови паче, нежели человеком:
30. Бог отец наших воздвиже Иисуса, егоже вы убисте, повесивше на древе:
31. сего Бог началника и спаса возвыси десницею своею, дати покаяние израилеви и оставление грехов:
32. и мы есмы того свидетелие глагол сих, и Дух святый, егоже даде Бог повинующымся ему.