18. И призвавше их, заповедаша има отнюд не провещавати ниже учити о имени Иисусове.
19. Петр же и иоанн отвещавша к ним реста: аще праведно есть пред Богом вас послушати паче, нежели Бога, судите:
20. не можем бо мы, яже видехом и слышахом, не глаголати.
21. Они же призапрещше има, пустиша я, ничтоже обретше како мучити их, людий ради, яко вси прославляху Бога о бывшем:
22. лет бо бяше множае четыредесяти человек той, на немже бысть чудо сие исцеления.