15. Moses gav land til Ruben-stammen, slekt for slekt.
16. Dei fekk området frå Aroer, som ligg ut mot Arnon-elva, og byen midt i dalen, heile høgsletta til Medeba,
17. Hesjbon med alle byane på sletta: Dibon, Bamot-Baal, Bet-Baal-Meon,
18. Jahsa, Kedemot, Mefaat,
19. Kirjatajim, Sibma, Seret-Hasjahar på høgda i dalen,
20. Bet-Peor, Pisga-liene og Bet-Jesjimot,
21. og alle dei andre byane på høgsletta, heile det riket som høyrde til amorittkongen Sihon, han som styrte i Hesjbon. Moses hadde slege han og midjanittfyrstane Evi, Rekem, Sur, Hur og Reba, vasallfyrstar under Sihon, som hadde sete i landet.
22. Israelittane drap òg spåmannen Bileam, son til Beor, med sverd, saman med alle dei andre.