1. Etter Asa vart Josjafat, son hans, konge. Han styrkte stillinga mot Israel.
2. Han la troppar i alle festningsbyane i Juda, og han sette vaktpostar rundt om i Juda og i dei byane som Asa, far hans, hadde teke i Efraim.
3. Herren var med Josjafat, for han følgde dei vegane som David, stamfar hans, før hadde følgt. Han søkte ikkje Baal-gudane,
4. men Gud til far sin. Han heldt boda hans og levde ikkje slik som dei gjorde i Israel.
5. Difor tryggja Herren kongsmakta i hans hand, og heile Juda kom med gåver til Josjafat, så han fekk stor rikdom og ære.