4. Når han legg seg til å sova, skal du merka deg staden der han legg seg. Gå så bort og lyft på teppet og legg deg nedmed føtene hans; så vil han sjølv seia deg kva du skal gjera!»
5. Rut svara: «Eg skal gjera alt det du seier.»
6. Så gjekk ho ned til treskjevollen og gjorde i alle måtar så som vermora hadde sagt.
7. Då Boas hadde ete og drukke og var komen i godlag, gjekk han og la seg attmed kornhaugen. Då kom ho stilt, lyfte på teppet og la seg nedmed føtene hans.