Romarane 14:15-23 Bibelen 1978-85 Nynorsk (N78NN)

15. Gjer du bror din sorg med maten du et, då fer du ikkje fram i kjærleik. Den som Kristus døydde for, må ikkje du føra i fortaping med maten din.

16. Lat ikkje det gode de eig, verta til spott.

17. For Guds rike er ikkje mat og drikke, men rettferd, fred og glede i Den Heilage Ande.

18. Den som tener Kristus på denne måten, han er til hugnad for Gud og har vørdnad hjå menneske.

19. Lat oss difor streva etter det som tener til fred og til oppbygging oss imellom!

20. Riv ikkje ned Guds verk av omsyn til mat. Visst er alt reint, men det er noko vondt for det mennesket som et og kjenner det som eit fall.

21. Det er rett å ikkje eta kjøt eller drikka vin eller gjera noko anna som fører bror din til fall.

22. Den tru du har, skal du halda for deg sjølv, for Guds åsyn. Sæl er den som ikkje dømer seg sjølv med det han vel å gjera.

23. Men den som et med tvil, han er dømd fordi han ikkje gjer det i tru. Alt som ikkje er av tru, er synd.

Romarane 14