15. Ein av gjestene som høyrde dette, sa til han: «Sæl er den som får sitja til bords i Guds rike!»
16. Jesus sa:Det var ein mann som ville halda eit stort gjestebod og bad mange.
17. Då tida for gjestebodet kom, sende han tenaren sin i veg for å seia til dei bedne: «Kom, no er alt ferdig!»
18. Men dei tok til å be seg unna, alle som ein. Den eine sa: «Eg har kjøpt eit jordstykke og må ut og sjå på det. Du lyt gjera vel og orsaka meg.»
19. Ein annan sa: «Eg har kjøpt meg fem par oksar, og no skal eg av og prøva dei. Du lyt gjera vel og orsaka meg.»
20. Endå ein annan sa: «Eg har fått meg ei kone, difor kan eg ikkje koma.»
21. Tenaren kom att og fortalde dette til herren sin. Då vart husbonden harm og sa til han: «Gå straks ut på gater og vegar i byen, og hent inn fattige og vanføre, blinde og lame.»
22. Snart kunne tenaren melda: «Herre, det er gjort som du sa, men det er enno rom.»
23. Då sa herren til tenaren: «Gå ut på vegane og stigane og nøyd folk til å koma inn, så huset mitt vert fullt.