10. for Sebulons-ætta Gaddiel, son til Sodi;
11. for Josefs-ætta, det vil seia Manasse-ætta, Gaddi, son til Susi;
12. for Dans-ætta Ammiel, son til Gemalli;
13. for Asjers-ætta Setur, son til Mikael;
14. for Naftali-ætta Nakbi, son til Vofsi;
15. for Gads-ætta Ge’uel, son til Maki.
16. Det var namna på dei mennene som Moses sende for å speida ut landet. Men han gav Hosea, son til Nun, namnet Josva.
17. Då Moses sende dei av stad for å speida ut Kanaan-landet, sa han til dei: «Far opp til Negev, og ta så opp i fjellet!
18. Sjå korleis landet er laga, og om folket som bur der, er sterkt eller veikt, lite eller stort.
19. Korleis er det landet dei bur i, er det godt eller ringt? Kva slag byar held dei til i, er det leirar eller festningsbyar?