28. ထိုနည်းတူ သင်တို့သည်လည်း အပြင်ဘက်၌ လူတို့ရှေ့တွင် ဖြောင့်မတ်ဟန်ရှိကြသော်လည်း အတွင်း၌ကား သူတော်ကောင်းယောင်ဆောင်ခြင်းနှင့် တရားမဲ့ခြင်းတို့ဖြင့် ပြည့်နှက်လျက်ရှိကြ၏။
29. သူတော်ကောင်းယောင်ဆောင်သော ကျမ်းပြုဆရာနှင့်ဖာရိရှဲတို့၊ သင်တို့သည် အမင်္ဂလာရှိကြ၏။ အကြောင်းမူကား သင်တို့သည် ပရောဖက်တို့၏သင်္ချိုင်းဂူများကို တည်ဆောက်၍ ဖြောင့်မတ်သောသူတို့၏သင်္ချိုင်းဂူများကို တန်ဆာဆင်ကာ
30. ‘ငါတို့သည် ငါတို့၏ဘိုးဘေးများလက်ထက်၌ရှိခဲ့လျှင် ပရောဖက်တို့ကို သွေးမြေကျစေသောသူတို့၏အပေါင်းအဖော်ဖြစ်ကြမည်မဟုတ်’ဟု ပြောကြ၏။
31. ဤသို့ဖြင့် သင်တို့သည် ပရောဖက်တို့ကိုသတ်ခဲ့သောသူတို့၏အမျိုးအနွယ်များဖြစ်ကြောင်း သင်တို့ကိုယ်တိုင်သက်သေခံကြ၏။
32. သင်တို့သည်လည်း သင်တို့ဘိုးဘေးများ၏အပြစ်ပမာဏကိုပြည့်အောင် ဖြည့်စွက်ကြလော့။
33. အချင်းမြွေတို့၊ မြွေဆိုးအမျိုးတို့၊ သင်တို့သည် ငရဲ၌အပြစ်စီရင်ခံရခြင်းမှ မည်ကဲ့သို့လွတ်မြောက်နိုင်ကြမည်နည်း။