တ​မန်​တော်​ဝတ္ထု 1:1-2-5 Myanmar Standard Bible (MSB)

1-2. အို သော်​ဖိ​လု၊ ယေ​ရှု​သည် အ​မှု​တော်​ဆောင်​ရွက်​ခြင်း​နှင့် သွန်​သင်​ခြင်း​တို့​ကို အ​စ​ပြု​တော်​မူ​သည့်​အ​ချိန်​မှ​စ​၍ ရွေး​ကောက်​တော်​မူ​သော​တ​မန်​တော်​များ​ကို သန့်​ရှင်း​သော​ဝိ​ညာဉ်​တော်​အား​ဖြင့် မိန့်​မှာ​တော်​မူ​ပြီး​နောက် အ​ထက်​သို့​ဆောင်​ယူ​ခြင်း​ခံ​တော်​မူ​သော​နေ့​တိုင်​အောင် ဖြစ်​ပျက်​သ​မျှ​တို့​ကို ပ​ထ​မ​စာ​စောင်​၌ ငါ​ရေး​သား​ဖော်​ပြ​ခဲ့​၏။

3. ကိုယ်​တော်​သည် ဒုက္ခ​ဝေ​ဒ​နာ​ခံ​စား​တော်​မူ​ပြီး​နောက် မိ​မိ​အ​သက်​ရှင်​လျက်​ရှိ​ကြောင်း ထို​တ​မန်​တော်​တို့​အား အ​ထောက်​အ​ထား​များ​စွာ​တို့​ဖြင့်​ပြ​သ​ကာ ရက်​ပေါင်း​လေး​ဆယ်​အ​တွင်း သူ​တို့​ထံ​ထင်​ရှား​၍ ဘု​ရား​သ​ခင်​၏​နိုင်​ငံ​တော်​အ​ကြောင်း​ကို ဟော​ပြော​တော်​မူ​၏။

4. ထို့​နောက် အ​တူ​တ​ကွ​စု​ရုံး​နေ​ကြ​စဉ် ကိုယ်​တော်​က သူ​တို့​အား “ဂျေ​ရု​ဆ​လင်​မြို့​မှ ထွက်​ခွာ​မ​သွား​ဘဲ ငါ့​ထံ​မှ သင်​တို့​ကြား​ရ​သော ခ​မည်း​တော်​၏​က​တိ​တော်​ကို စောင့်​နေ​ကြ​လော့။

5. အ​ကြောင်း​မှာ ယော​ဟန်​သည် ရေ​၌​ဗတ္တိ​ဇံ​ပေး​၏။ သင်​တို့​မူ​ကား မ​ကြာ​မီ​အ​တွင်း သန့်​ရှင်း​သော​ဝိ​ညာဉ်​တော်​၌ ဗတ္တိ​ဇံ​ခံ​ကြ​ရ​လိမ့်​မည်”​ဟု မိန့်​မှာ​တော်​မူ​၏။