ကော​လော​သဲ​ဩ​ဝါ​ဒ​စာ 4:1-4 Myanmar Standard Bible (MSB)

1. သ​ခင်​တို့၊ သင်​တို့​တွင်​လည်း ကောင်း​ကင်​၌​သ​ခင်​တစ်​ပါး​ရှိ​ကြောင်း သိ​မှတ်​လျက် မိ​မိ​တို့​ကျွန်​များ​အ​ပေါ် မှန်​ကန်​မျှ​တ​စွာ ပြု​မူ​ကြ​လော့။

2. ဆု​တောင်း​ခြင်း​အ​မှု​ကို အ​စဉ်​တ​စိုက်​ပြု​ကြ​လော့။ ထို​သို့​ပြု​ရာ​တွင် ကျေး​ဇူး​တော်​ချီး​မွမ်း​ခြင်း​အား​ဖြင့် သ​တိ​ဝီ​ရိ​ယ​ရှိ​ကြ​လော့။

3. ဘု​ရား​သ​ခင်​သည် နှုတ်​က​ပတ်​တ​ရား​အ​တွက် တံ​ခါး​ကို​ဖွင့်​ပေး​တော်​မူ​သ​ဖြင့် ခ​ရစ်​တော်​၏​လျှို့​ဝှက်​နက်​နဲ​သော​အ​ရာ​ကို ငါ​တို့​ဟော​ပြော​နိုင်​ရန် ငါ​တို့​အ​တွက်​လည်း ဆု​တောင်း​ပေး​ကြ​လော့။ ငါ​သည် ထို​နက်​နဲ​သော​အ​ရာ​ကြောင့် ချည်​နှောင်​ခြင်း​ခံ​ရ​၏။

4. ထို​နက်​နဲ​သော​အ​ရာ​ကို ဟော​ပြော​သင့်​သည့်​အ​တိုင်း ရှင်း​လင်း​ပြတ်​သား​စွာ ငါ​ဟော​ပြော​နိုင်​ရန်​လည်း ဆု​တောင်း​ပေး​ကြ​လော့။