1. လူအပေါင်းတို့သည် တယောက်မျှမကြွင်း ယော်ဒန်မြစ်ကို ကူးကြပြီးမှ၊ ထာဝရဘုရားက၊
2. လူများတို့တွင် တမျိုးတယောက်စီ၊ လူတဆယ်နှစ်ယောက်ကို ရွေးကောက်၍၊
3. သူတို့သည် ယော်ဒန်မြစ်အလယ်၊ ယဇ်ပုရောဟိတ်တို့ မြဲမြံစွာနင်းရာ၊ ဤအရပ်ထဲက ကျောက်တဆယ်နှစ်လုံးကို ယူပြီးလျှင် ထမ်းသွား၍၊ ယနေ့ညဉ့်စားခန်းချရာအရပ်၌ ထားရမည်အကြောင်းဆင့်ဆိုလော့ဟု ယောရှုအား မိန့်တော်မူသည်အတိုင်း၊
4. ယောရှုသည် ခန့်ထားနှင့်သော ဣသရေလအမျိုးတမျိုးတယောက်စီ၊ လူတဆယ်နှစ်ယောက်ကိုခေါ်၍၊
5. သင်တို့ဘုရားသခင် ထာဝရဘုရား၏ သေတ္တာတော်ရှေ့၊ ယော်ဒန်မြစ်အလယ်သို့ ကူးသွား၍၊ ဣသရေလအမျိုးအရေအတွက်အတိုင်း၊ လူတယောက် ကျောက် တလုံးစီယူ၍ ထမ်းသွားကြလော့။