8. ယခုအခါသူတို့၏အရုပ်အဆင်းသည် မည်းနက်လျက်မျိုးမည်မပေါ်ဘဲလမ်းများပေါ်တွင်လဲ၍ သေနေရကြ၏။သူတို့အသားအရည်မှာသစ်သားသဖွယ်ခြောက်ကပ်လျက်အရိုးများပေါ်တွင်တွန့်လိမ်၍ နေလေပြီ။
9. စစ်ပွဲတွင်ကျဆုံးသေကြေရသူတို့သည် အစာရေစာပြတ်၍ဆက်လက်အသက်မရှင်နိုင်တော့ဘဲတဖြည်းဖြည်းငတ်မွတ်သေဆုံးသူများထက် သာ၍ကောင်းသေးသည်။
10. ငါ၏အမျိုးသားတို့ကြုံတွေ့ရသည့် ဘေးအန္တရာယ်ဆိုးသည်ကြောက်မက်ဖွယ်ကောင်းလှ၏။ချစ်ခင်ကြင်နာတတ်သောမိခင်များပင်လျှင် မိမိတို့သားသမီးများကိုပြုတ်၍စားကြ၏။
11. ထာဝရဘုရားသည်ပြင်းထန်သောအမျက်တော်အရှိန်ကိုအစွမ်းကုန် လွှတ်တော်မူလေပြီ။ကိုယ်တော်သည်ဇိအုန်မြို့တွင်မီးမွှေး၍ထို မြို့ကို ပြာကျစေတော်မူပါ၏။
12. အရပ်တကာရှိလူတို့သည်လည်းကောင်းလူမျိုးခြားတို့၏ဘုရင်များသည်လည်းကောင်းအဘယ်ရန်သူမျှယေရုရှလင်မြို့တံခါးများကိုချင်းနင်းဝင်ရောက်နိုင်လိမ့် မည်ဟု မယုံကြ။
13. သို့ရာတွင်ယင်းသို့ချင်းနင်းဝင်ရောက်မှုကား ဖြစ်ပွားခဲ့ပြီ။ထိုမြို့၏ပရောဖက်များနှင့်ယဇ်ပုရောဟိတ် များသည်အပြစ်ကူးကြသဖြင့်အပြစ်မဲ့သူတို့သည် သေရကြလေပြီ။