1. Тэгэхэд Иов хариулж,—
2. Иймэрхүү юм би олонтаа сонссон билээ.Та нар бүгд хөөрхийлөлтэй тайтгаруулагчид юм.
3. Хоосон үгсэд хязгаар байгаа юу?Эсвэл юу түлхэхээрээ та нар хариулдаг вэ?
4. Би ч гэсэн та нарын оронд байсан бол та нар шиг ярьж чадах байсан.Би та нарын эсрэг үгс холбож,та нарын дээр толгойгоо сэгсэрч чадах байсан.
5. Би та нарыг амаараа хүчирхэгжүүлж,уруулынхаа хөдөлгөөнөөр та нарын зовлонг нимгэлэх байсан.
6. Би ярьдаг бол, өвчин минь багасаагүй,ярихаа больдог ч намайг юу орхих юм бэ?
7. Харин одоо Тэрээр намайг сульдаалаа.Та миний бүх нөхөрлөлийг хоосон болголоо.
8. Та намайг хатаан хорчийлгосон бөгөөдтэр чинь гэрч болжээ.Миний доройтол миний эсрэг боссон бөгөөдтэрээр нүүрэн дээр минь гэрчилнэ.
9. Түүний уур намайг тастчин, ангуучилсан бөгөөдТэрээр над уруу Өөрийн шүдээ хавирав.Өстнүүд минь намайг цоо ширтдэг.
10. Тэд өөрсдийн амнуудаа над уруу ангайлгаж,зэвүүцлээр хацар дээр минь занчиж,миний эсрэг нэгдсэн билээ.