21. Друг, пак, од учениците Негови Му рече: „Господи, дозволи ми најнапред да отидам да го погребам татко ми.“
22. Но Исус му рече: „Врви по мене и остави ги мртвите да ги погребуваат своите мртовци!“
23. И кога Тој влезе во коработ, по Него влегоа и учениците Негови.
24. И ете, настана голема бура во морето, така што брановите го покриваа коработ, а Тој спиеше.
25. Тогаш учениците пријдоа до Него, Го разбудија и рекоа: „Господи, спаси нѐ, загинуваме!“