30. И кога излегоа оттаму, минуваа преку Галилеја; и Тој не сакаше некој да разбере.
31. Зашто ги учеше учениците Свои и им велеше дека Синот Човечки ќе биде предаден во човечки раце, и ќе Го убијат, и на третиот ден по убивањето ќе воскресне.
32. Но тие не ги разбираа овие зборови, а се плашеа да Го прашаат.
33. И дојде во Капернаум; и кога беше дома, ги праша: „Што се расправавте меѓу себе патем?“
34. А тие молчеа, зашто патем се расправаа меѓу себе, кој е најголем.